ବିଦ୍ୟାଳୟ ରେ ଚାଲିଛି ମଧ୍ୟାହ୍ନ ଭୋଜନ ହେରଫେର। ଧରା ପଡ଼ିଯିବା ପରେ ଚିହିଁକି ଉଠିଲେ ପ୍ରଧାନଶିକ୍ଷୟିତ୍ରୀ ଏବଂ ଅନ୍ୟ ଶିକ୍ଷୟିତ୍ରୀ। ଏଭଳି ଘଟଣା ଦେଖିବାକୁ ମିଳିଛି କପ୍ତିପଦା ବ୍ଲକ ପୋଡାଡିହା ସରକାରୀ ପ୍ରାଥମିକ ବିଦ୍ୟାଳୟ – ଖ ରେ। ବିଦ୍ୟାଳୟରେ ପ୍ରଥମ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ପାଠ ପଢ଼ୁଥିବା ବେଳେ ଆଜି ୬୮ ଜଣ ଛାତ୍ରଛାତ୍ରୀଙ୍କୁ ମଧ୍ୟାହ୍ନ ଭୋଜନ ଦିଆଯାଉଥିବା ସରକାରୀ ରେକର୍ଡରେ ଦାୟର କରାଯାଇଛି। ହେଲେ ବାସ୍ତବତା ଓଲଟା। ବିଦ୍ୟାଳୟରେ ଆଜି ୫୭ ଜଣ ଛାତ୍ରଛାତ୍ରୀ ଉପସ୍ଥିତ ଥିବା ବେଳେ ୧୦ ଗୋଟି ଅଧିକ ମିଲ ସରକାରୀ ରେକର୍ଡ ରେ ପକାଯାଇଛି। ଏ ବାବଦରେ ପ୍ରଧାନଶିକ୍ଷୟିତ୍ରୀ ଅନୁପମା ମହାପାତ୍ରଙ୍କୁ ପଚାରିବାରୁ ସେ ଚିହିଁକି ଉଠିଥିଲେ ଆଉ ଗଣମାଧ୍ୟମ କାହିଁକି ବିଦ୍ୟାଳୟ କୁ ଆସିଲେ ବୋଲି ଓଲଟା ପ୍ରଶ୍ନ କରିବା ସହିତ ଯୁକ୍ତି କରିଥିଲେ। ଏହା ସହିତ ୧୦ ମିଲ ଅଧିକ ପଡ଼ିଥିବା ଏବଂ ସମସ୍ତ ସ୍କୁଲରେ ଅଧିକ ମିଲ ପଡୁଥିବା କହିଥିଲେ।
