ରିପୋର୍ଟ.. ସିପ୍ରା ପଟନାୟକ
ଖଲ୍ଲିକୋଟ….
ମହିଳା ମାନଙ୍କୁ ସ୍ୱାବଲମ୍ବୀ କରିବା ସହ ଆର୍ଥିକ କ୍ଷେତ୍ରରେ ସମାଜର ମୁଖ୍ୟସ୍ରୋତକୁ ଆଣିବା ପାଇଁ ସରକାର ଅନେକ ଯୋଜନା କରିଛନ୍ତି । ମହିଳା ସ୍ୱୟଂ ସହାୟକ ସଂଘ ଗଠନ କରି କର୍ମ ସଂସ୍ଥାନ ଯୋଗାଇ ଦେବା ଉଧେଶ୍ୟ ରଖି ଛନ୍ତି ସରକାର । ଏହି ମହିଳା ମାନଙ୍କ ମଧ୍ୟରେ ଅନୁସୂଚିତ ଜାତି ଓ ଅନୁସୂଚିତ ଜନ ଜାତି ମହିଳା ମାନଂକୁ କିପରି ଅଧିକ ପ୍ରତ୍ସାହନ ଦିଆଯାଇ ପରିବା ସେଥିପାଇଁ ପ୍ରଧାନମନ୍ତ୍ରୀ ଅନୁସୂଚିତ ଜାତି ଅଦଭ୍ୟୁଦୟ ଯୋଜନା କରାଯାଇଛି । ଏହି ଯୋଜନା ସମ୍ପର୍କରେ ଅନୁସୂଚିତ ଜାତି ଓ ଅନୁସୂଚିତ ଜନଜାତି ମଙ୍ଗଳ ବିଭାଗ ପକ୍ଷରୁ ବେଗୁନିଆପଡା ବ୍ଲକ ପରିସରରେ ବୁଧବାର ଓ ଗୁରୁବାର ଦୁଇ ଦିନିଆ ତାଲିମ ଶିବିର ଅନୁଷ୍ଠିତ ହୋଇଯାଇଛି । ଏଥିରେ କୋଦଳା ପଶୁସମ୍ପଦ ବିଶେଷଜ୍ଞ ଅଧିକାରୀ ସ୍ୱାଗତ ମହାପାତ୍ର, ଵି ପି ସି ଚନ୍ଦ୍ର ଶେଖର ବେହେରା, ବ୍ଲକ ସମାଜ ମଙ୍ଗଳ ସମ୍ପ୍ରସାରଣ ଅଧିକାରୀ ସ୍ଵାଗତିକା ରାଉତ, ଵି ପି ଏମ ଜ୍ଞାନ ରଞ୍ଜନ ରାଉତ ଯୋଗଦେଇ ତାଲିମ ପ୍ରଦାନ କରିଥିଲେ । ଅନୁସୂଚିତ ଜାତି ଓ ଅନୁସୂଚିତ ଜନଜାତି ମହିଳା ସଂଘ ମାନେ ଛେଳି ଓ କୁକୁଡ଼ା ପାଳନ କରି କିପରି ସ୍ୱାବଲମ୍ବୀ ହୋଇପାରିବେ, ଏହି ଯୋଜନାରେ କଣ କଣ ସୁବିଧା ରହିଛି, ସେ ବିଷୟରେ ତାଲିମ ପ୍ରଦାନ କରାଯାଇଥିଲା । ଏଥିରେ ଅନେକ ଅନୁସୂଚିତ ଜାତି ଅନୁସୂଚିତ ଜନଜାତି ସ୍ୱୟଂ ସହାୟକ ମହିଳା ସଂଘ ଉପସ୍ଥିତ ଥିଲେ ।
