ବାଲିଅନ୍ତା, ୧୯ / ୧୧: ବାଲିଅନ୍ତା ବ୍ଲକ ଅଧୀନ ମା ଦୁର୍ଲ୍ଲବା ଦେବୀ ପୀଠ ପରିସରରେ ଢମିଲୋ ଗ୍ରାମ କମିଟି ଓ ଜୟଦେବ ଯୁବକ ସଂଙ୍ଘ ମିଳିତ ସହଯୋଗରେ ଜୟଦେବ ଗବେଷକ ଡ ପ୍ରଫୁଲ୍ଲ ଚନ୍ଦ୍ର ତ୍ରିପାଠୀଙ୍କ ୮୫ ତମ ଜନ୍ମ ଜୟନ୍ତୀ ଉତ୍ସବ ପାଳିତ ହୋଇଯାଇଛି l ଏହି ଅବସରରେ ମୁଖ୍ୟ ଅତିଥି ଭାବରେ ସମାଜସେବୀ ସୁବ୍ରତ ମହାନ୍ତି, ମୁଖ୍ୟ ବକ୍ତା ପୂର୍ବତନ ବିଧାୟକ ଡ. ଅରବିନ୍ଦ ଢାଲି, ବିଶେଷ ଅତିଥି ଭାବରେ ଜିଲ୍ଲା ବିଜେପି ସଭାପତି ନିରଞ୍ଜନ ମିଶ୍ର ଓ ବରିଷ୍ଠ ନେତା ଜଗନ୍ନାଥ ପ୍ରଧାନ, ସମ୍ମାନିତ ଅତିଥି ଭାବରେ ବାଲିପାଟଣା ପ୍ରେସ କ୍ଳବ ସଭାପତି ଦିଲ୍ଲୀପ କୁମାର ଓଝା, ବରିଷ୍ଠ ସାମ୍ବାଦିକ ରମେଶ ଚନ୍ଦ୍ର ରଥ ଓ ପ୍ରକୃତିବନ୍ଧୁ ନିରଞ୍ଜନ ସେନାପତି ପ୍ରମୁଖ ଯୋଗ ଦେଇ ଗବେଷକ ଶ୍ରୀ ତ୍ରିପାଠୀଙ୍କ ବହୁମୁଖୀ ପ୍ରତିଭା ଓ ଜୟଦେବ ସଂସ୍କୃତିର ବିକାଶ କ୍ଷେତ୍ରରେ ତାଙ୍କର ଅବଦାନ ସମ୍ପର୍କରେ ଆଲୋକପାତ କରିଥିଲେ l ସଭାରେ ସାମ୍ବାଦିକ ଗଗନ ଭୋଇ ସଭାପତିତ୍ବ କରିଥିବା ବେଳେ ଗ୍ରାମ କମିଟି ସଦସ୍ୟ ବିଜୟ ଭୋଇ ଧନ୍ୟବାଦ ଅର୍ପଣ କରିଥିଲେ l ଏହି ଅବସରରେ ସମାଜସେବା, ସାମ୍ବାଦିକତା ଓ ବିଭିନ୍ନ ସେବା ଭିତ୍ତିକ କାର୍ଯ୍ୟ କ୍ଷେତ୍ରରେ କୃତିତ୍ୱ ଅର୍ଜ୍ଜନ କରିଥିବା ବ୍ୟକ୍ତି ବିଶେଷ ଓ ଅନୁଷ୍ଠାନ ମାନଙ୍କୁ ଜୟଦେବ ସମ୍ମାନରେ ଅତିଥିବୃନ୍ଦ ଉପଢୌକନ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ l
