ସୋମବାର ଦିନ ରମ୍ଭା ଗାୟତ୍ରୀ ପୀଠ ରେ ଏକ ସାପ୍ତାହିକ ପତ୍ରିକା “ଆଦିତ୍ୟ ଓଡିଶା ର ଶୁଭ ଉନ୍ମୋଚନ ଉତ୍ସବ ମହାସମାରୋହ ଅନୁଷ୍ଠିତ ହୋଇ ଯାଇଛି | ଏ ଉପଲକ୍ଷେ ଆୟୋଜିତ ଶୁଭ ଉନ୍ମୋଚନ କାର୍ଯ୍ୟକ୍ରମ ରେ ଓଡିଶା ର ବର୍ଷିଆନ ସାମ୍ବାଦିକ ତଥା ସ୍ବର୍ଗତ ଡ଼ଃ ହରେକୃଷ୍ଣ ମହତାବ ଙ୍କ ପ୍ରତିଷ୍ଠିତ ଦୈନିକ ପ୍ରଜାତନ୍ତ୍ର ର ସହ ସମ୍ପାଦକ ଶ୍ରଯୁକ୍ତ ଅଭିରାମ ମହାପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇ ନିର୍ଭିକ ଓ ନିରପେକ୍ଷ ସାମ୍ବାଦିକତା ସବୁବେଳେ ପାଠକ ଙ୍କ ଦ୍ୱାରା ଅଦୃର୍ତ୍ତି ଲାଭ କରିଥାଏ ଓ ସର୍ବୋପରି ବର୍ତମାନ ସ୍ଥିତି ରେ ସମସ୍ତ ଗଣମାଧ୍ୟମ ପରିବେଶ ସୁରକ୍ଷା ପ୍ରତି ଧ୍ୟାନ ଦେବା ପାଇଁ ପରାମର୍ଶ ପ୍ରଦାନ କରିଥିଲେ | ଖଲ୍ଲିକୋଟ ର ବରିଷ୍ଟ ଶିକ୍ଷାବିତ ପୂର୍ଣଚନ୍ଦ୍ର ରଥ ବର୍ତମାନ ସ୍ଥିତି ରେ ଗଣମାଧ୍ୟମ ସ୍ଥିତବସ୍ଥା ନେଇ ଆଲୋଚନା କରିଥିବା ବେଳେ ଆଦିତ୍ୟ ଓଡିଶା ଭିନ୍ନ ଧରଣ ର ଖବର ପ୍ରସାରଣ କଲେ ପ୍ରସାରଣ ବହୁ ମାତ୍ରା ରେ ବୃଦ୍ଧି ପାଇବ ବୋଲି କହିଥିଲେ |ଉକ୍ତ କାର୍ଯ୍ୟକ୍ରମ ରେ ସମ୍ମାନିତ ଅତିଥି ଭାବେ ଖଲ୍ଲିକୋଟ ର ବରିଷ୍ଟ ସାମ୍ବାଦିକ ମାଧବ ବେହେରା ଯୋଗ ଦେଇ ବର୍ତମାନ ଛପା ଗଣମାଧ୍ୟମ କ୍ଷେତ୍ରରେ ଦେଖାଦେଇଥିବା ସଙ୍କଟ ବିଷୟରେ ଆଲୋକପାତ କରିଥିଲେ |ତେଣୁ ପାଠକ ଙ୍କ ଗ୍ରହଣୀୟ ହେଲା ଭଳି ଭିନ୍ନ ରୁଚି ର ଖବର ପ୍ରସାରଣ କଲେ ସାପ୍ତାହିକ ପତ୍ରିକା ଟି ଦୀର୍ଘାୟୁ ହେବ ବୋଲି ମନ୍ତବ୍ୟ ଦେଇଥିଲେ |ଉକ୍ତ କାର୍ଯ୍ୟକ୍ରମ ରେ ଯୋଗ ଦେଇ ଅବସରପ୍ରାପ୍ତ ଅବକାରୀ ବିଭାଗ ଅଧିକାରୀ ସୁବ୍ରତ ମିଶ୍ର ପ୍ରମୁଖ ଯୋଗ ଦେଇ ପତ୍ରିକା ର ଦ୍ରୁତ ପ୍ରସାରଣ କାମନା କରିଥିବା ବେଳେ କବି ଓ ନାଟ୍ୟକାର ପ୍ରହଲ୍ଲାଦ ବେହେରା ସଂଯୋଜନା କରିଥିଲେ |ପ୍ରାରମ୍ଭ ରେ ଆଦିତ୍ୟ ଓଡିଶା ର ଯୁବ ସମ୍ପାଦକ ସୁନୀଲ ବେହେରା ପତ୍ରିକା ପ୍ରକାଶନ ର ଆଭିମୁଖ୍ୟ ଓ ପାଠକୀୟ ସ୍ୱୀକୃତି ପାଇଁ ଏହାର କଳେବର କୁ ବିଭିନ୍ନ ବିଭାଗ ସହ ରୁଚିବନ୍ତ କରାଯିବ ବୋଲି ପ୍ରକାଶ କରିଥିଲେ |.
ରିପୋର୍ଟ… ସିପ୍ରା ପଟନାୟକ
.
