କାମାକ୍ଷାନଗର,
କାମାକ୍ଷାନଗର ଏନଏସି ପକ୍ଷରୁ ଦଶହରା ଅବସରରେ ବସିଥିବା ଉଠା ଦୋକାନିଙ୍କ ଠାରୁ ଦୁଇଥର ଟିକସ ଆଦାୟ କରାଯାଇ ଥିବାରୁ ଦୋକାନୀ ମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି l କାମାକ୍ଷାନଗର ସହରରେ ଦଶହରା ଏକ ପ୍ରମୁଖ ପର୍ବ ଭାବେ ସୁପରିଚିତ ଥିବା ବେଳେ ସହରରେ ଦଶହରା ରେ ଭଲ ବ୍ୟବସାୟ କରିବା ଆଶା ନେଇ ବହୁ ବେପାରୀ ରାସ୍ତା କଡରେ ନିଜର ପସରା ମେଲେଇ ବସି ରହିଥିଲେ l ଏନଏସି ପକ୍ଷରୁ ଏନଏସିର କର୍ମଚାରୀଙ୍କ ଦ୍ୱାରା ୧୩0 ଟଙ୍କା ଟିକସ ଆଦାୟ କରାଯାଇଥିବା ବେଳେ -ଏନଏସି ପକ୍ଷରୁ ନିଲାମଧାରୀ ପ୍ରତିଦିନ ୫0 ଟଙ୍କା ଟିକସ ଆଦାୟ କରିଥିଲେ ଏବଂ ଏନଏସି ଝାଡୁ ଦାର ମାନେ ୫0 ଟଙ୍କା ନେବାପାଇଁ ଦାବି କରିଥିଲେ,ଫଳରେ ବ୍ୟବସାୟୀ ମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି l ଜିଲ୍ଲା ପ୍ରଶାସନ ପକ୍ଷରୁ ଏଥିପ୍ରତି ଗୁରୁତ୍ୱ ଦିଆଯାଇ ଦୃଢ଼ ପଦକ୍ଷେପ ନେବା ସକାଶେ ବ୍ୟବସାୟୀ ମାନଙ୍କ ପକ୍ଷରୁ ଦାବି ହେଉଛି l
