ଦେଶୀ ମଦ ପ୍ରସ୍ତୁତିକାରି ଙ୍କୁ ବିକୁଥିଲେ ମହୁଲ। ଆଉ ବିସ୍ତାର କରିଥିଲେ ମହୁଲ ସାମ୍ରାଜ୍ୟ। ହେଲେ ଶେଷରେ ଅବକାରୀ ବିଭାଗ କରିଲା ଚଢ଼ାଉ। ଶରତ ଥାନା ରାଇପାଳ ଗ୍ରାମରେ ଉଦଳା ଅବକାରୀ ବିଭାଗ ଓ ମୋବାଇଲ ୟୁନିଟ ମିଳିତ ଭାବେ ଚଢ଼ାଉ କରିଥିବା ବେଳେ ବାସନ୍ତୀ ରାଉତଙ୍କ ଘରେ ବେଆଇନ ଭାବେ ବିପୁଳ ମହୁଲ ଜବତ କରିଥିଲେ। ଘରେ ଚଢ଼ାଉ ସମୟରେ ଏକ ଗୋଦାମ ଭିତରେ ୧୫୦ ବସ୍ତା ରୁ ଅଧିକ ମହୁଲ ରଖାଯାଇଥିଲା, ଯାହାର ଓଜନ ୬ ହଜାର କିଲୋ ରୁ ଅଧିକ ହେବ। ଅବକାରୀ ବିଭାଗ ଉକ୍ତ ମହୁଲ ବସ୍ତାକୁ ଜବତ କରିବା ସହିତ ମହୁଲ କାରବାର କରୁଥିବା ବାସନ୍ତୀ ରାଉତଙ୍କୁ ଗିରଫ କରିଛି। ଗିରଫ ମହିଳା ଜଣକ ମହୁଲ ବେଆଇନ ଭାବେ ରଖି ତାହାକୁ ଦେଶୀ ମଦ ବେପାରୀ ଙ୍କୁ ଯୋଗାଉଥିଲେ। ଏହା ସହିତ ପ୍ରତି ବୋରାରେ ୪୦ କିଲୋ ମହୁଲ ରହିଥିବା ବେଳେ ତାହାକୁ ଜରିରେ ପ୍ୟାକିଙ୍ଗ କରାଯାଇଛି।
