ଆନନ୍ଦବଜାରରେ ମିଳୁଥିବା ମହାପ୍ରସାଦକୁ ୱେବସାଇଟ ଓ ଆପ୍ ଜରିଆରେ ବିକ୍ରି କରୁଛନ୍ତି। ଦେଖନ୍ତୁ ଏ ଫଟୋ। ଯେଉଁଥିରେ ଶ୍ରୀମନ୍ଦିର ନାଁରେ ଅନଲାଇନରେ ବିକ୍ରି ହେଉଛି ଅବଢ଼ା। ଅନ୍ନ, ଡାଲି, ବେସର, ମହୁର ଅର୍ଡର ନିଆଯାଉଛି। ୨ ଜଣଙ୍କ ଖାଇବା ପାଇଁ ଦର ରଖିଛନ୍ତି ୭୦୦ ଟଙ୍କା। ଶ୍ରୀମନ୍ଦିର ସହ କୁଡୁଆ ଭର୍ତ୍ତି ମହାପ୍ରସାଦ ଫଟୋ ବି ରହିଛି। ରାତି ସାଢେ ୧୦ଟା ସୁଦ୍ଧା ଦିଆଯିବ ଡେଲିଭରି। ଅନଲାଇନ୍ ଅର୍ଡର କଲେ ପ୍ରତି ସୋମବାର, ଗୁରୁବର ଓ ଶନିବାର ଅବଢ଼ା ଦିଆଯିବ ବୋଲି ଉଲ୍ଲେଖ ରହିଛି। ଶ୍ରୀମନ୍ଦିର ପ୍ରଶାସନ ପକ୍ଷରୁ ଅନଲାଇନରେ ମହାପ୍ରସାଦ ବିକ୍ରିର କୌଣସି ବ୍ୟବସ୍ଥା ନାହିଁ। ତଥାପି ବିକ୍ରି ହେଉଛି କେମିତି ? କିଏ ବିକୁଛି, କିଏ ଦେଲା ଅନୁମତି ? କେଉଁଠୁ ଆଣୁଛନ୍ତି ଅବଢ଼ା ? ଏମିତି ଦୁଃସାହସ କଲେ କେମିତି ? ଅନଲାଇନରେ ଅର୍ଡର କରିଥିବା ଭକ୍ତ ମହାପ୍ରସାଦ ପାଉଛନ୍ତି ନା ଠକେଇର ଶିକାର ହେଉଛନ୍ତି ? ମହାପ୍ରଭୁଙ୍କ ମହାପ୍ରସାଦକୁ ନେଇ ବେପାର ଦ୍ବାରା ଧର୍ମୀୟ ଭାବନାକୁ ଆଘାତ ଦେଇଛି। କାର୍ଯ୍ୟାନୁଷ୍ଠାନ ଦାବି କରିଛନ୍ତି ଭକ୍ତ। …
